Aktual mövzular: Dollar alış-satışı, Neftin qiyməti, COP29, Hava proqnozu

''Fənərbağça'' Ronaldonun komandasından gələn təklifi rədd etdi

Tarix: 22 Noyabr 2024 11:42

"Əl-Nəsr" hücumçu Yusif En-Nesri üçün "Fənərbağça"ya bonuslar nəzərə alınmadan 30 milyon avro təklif edib.

Sonxeber.net publika.az-a istinadən xəbər verir ki, bu barədə jurnalist Yağız Sabunçoğlu "X" sosial şəbəkə hesabında məlumat verib.

Türkiyə klubu 27 yaşlı mərakeşli futbolçunun oyunundan razı olduğu və mövsümün ortasında ona əvəzləyici tapmaq çətin olacağı üçün təklifi rədd edib.

Futbolçunun İstanbul təmsilçisi ilə müqaviləsi 2029-cu ilə qədərdir. "Transfermarkt" portalı onun dəyərini 22 milyon avro qiymətləndirir. Bu mövsüm En-Nesri bütün turnirlərdə 17 oyuna çıxıb, 4 qol vurub və 2 məhsuldar ötürmə edib.

Qeyd edək ki, "Əl-Nəsr"də bir sıra ulduz futbolçular çıxış edir. Onlardan biri komandanın kapitanı Kriştiano Ronaldodur.

Whatsapp ilə göndər